काटी/उमाजी गायकवाड
तुळजापूर तालुक्यातील सुरतगाव येथील पाणीटंचाईवर मात करण्यासाठी बालाजी अमाईन्सच्या वतीने मागील वर्षी तुळजापूर रोडच्या बाजूला असलेल्या सार्वजनिक पाणीपुरवठा विहीरील गाळ व काढून खोलीकरणाचे काम करून उन्हाळ्यात पाणीटंचाईवर मात करण्यास मदत केली होती..
यंदाच्यावर्षी सुरतगाव ते सावरगाव (गंजेवाडी रोड) वर पाझर तलवात असलेल्या ग्रामपंचायतीच्या विहीरीचे गाळ काढून तसेच खोलीकरण करून आर सी सी बांधकाम करून मिळावे अशी मागणी सुरतगाव ग्रामपंचायतीच्या वतीने बालाजी अमाईन्सचे व्यवस्थापकीय संचालक राम रेड्डी यांचे कडे करण्यात आली. गतवर्षी खोलीकरण व गाळ उपसा झाल्यामुळे गावाचा पाण्याचा प्रश्न कमी झाला. पाझर तलावातील विहीरीचे खोलीकरण केल्याने पाण्याची पातळी वाढून सुरतगावास पाण्याची टंचाई कधीच होणार नाही यामुळे तलावावील विहीरीचे खोलीकरणाचे व गाळ उपसा करण्याच्या कामास बालाजी अमाईन्सचे व्यवस्थापकीय संचालक राम रेड्डी व संचालक मंडळाने मंजुरी दिली.
खोलीकरण कामाचा शुभारंभ बालाजी अमाईन्सच्या एचआर. विभागाचे असिस्टंट मॅनेजर मारुती सावंत यांचे हस्ते श्रीफळ वाढवून करण्यात आला.
या कार्यक्रमास सुरतगाव ग्रामपंचायतीचे उपसरपंच बाबासाहेब गुंड, सरपंच दोपदी गुंड, ग्रामसेवक भिमराव झाडे, ग्रामपंचायत सदस्य विजय देवकर ,आबासाहेब गुंड, गजेन्द्र बोचरे, विठठल गुंड सर, राजाभाऊ गुंड, सौदागर गुंड, नानासाहेब गुंड, बालजी अमाईन्सचे दत्तप्रसाद सांजेकर, बसवराज अंटद गावातील नागरीक उपस्थित होते
बालाजी अमाईन्सच्यावतीने करण्यात येणारी कामे
१. गाळ उपसा करणे
२. खोलीकरण करणे
३. पाणी उपसाकरण्याकरीता विदयुत मोटार
४. विहीरी पर्यंत जाण्याकरीता रस्ता
५. विहीरीचे आर सी सी बांधकाम
या वेळी बाबासाहेब गुंड यानी बालाजी अमाईन्सच्या सी एस आर अंर्तगत सुरतगावात गेल्यावर्षी विहीरीतील गाळ व खोलीकरणाचे काम व सुरतगावास स्मशानभुमीचे बांधकाम सुरतगाव जि प प्राथमिक शाळेस रंगरंगोटी या केलेल्या कामा करीता तसेच पाझर तलावातील विहीरीचे खोलीकरणाचे कामास केलेले मदत या बद्दल व्यवस्थापकीय संचालक राम रेड्डीसह व्यवस्थापकीय संचालक राजेश्वर रेड्डी तसेच संचालक मंडळ यांचे आभार मानले .
सुरतगाव ग्रामपंचायतीच्यावतीने पाझरतलावातील विहीर ते सुरतगाव पर्यंत पाईपलाईनचे काम करण्यात येणार असल्याचे उपसरपंच बाबासाहेब गुंड यांनी सांगितले.
0 Comments