तुळजापूर/सोमनाथ पुजारी
तुळजापूर शहरातील महिलांना नागपंचमीचा सण उत्साहात साजरा करता यावा म्हणून आमदार राणाजगजितसिंह पाटील, युवा नेते विनोद गंगणे यांच्या मार्गदर्शनाखाली सामाजिक कार्यकर्ते नरेश (काका) अमृत्तराव यांच्या वतीने 'उंच माझा झोका' या उपक्रमाचे आयोजन करण्यात आले असून या उपक्रमा अंतर्गत शहरातील वेताळ नगर, आराधवाडी भागात महिलांसाठी 11 झोके उभारण्यात आले असून या ठिकाणी सामूहिक नागपंचमी उत्सव साजरा करण्यात येत आहे.
नागपंचमीनिमित्त तुळजापूरमध्ये महिलांसाठी 'उंच माझा झोका' उपक्रमाचे आयोजन सामाजिक कार्यकर्ते नरेश अमृत्तराव यांच्या हस्ते 11 झोके उभारुन या उपक्रमाचे उद्घघाटन करण्यात आले.
यावेळी उपस्थित महिलांनी नागपंचमीनिमित्त गाण्यांवर फेर धरत उपक्रमाचा आनंद लुटला. भारतीय महिलांच्या आस्थेचे प्रतीक असणारा श्रावण महिन्यातील हा सण सांस्कृतिक वारसा आहे. त्याची जपणूक करण्यासाठीच आपण हा उपक्रम घेतल्याचे सामाजिक कार्यकर्ते नरेश अमृत्तराव यांनी सांगून यापुढेही महिलांसाठी असे उपक्रम आपण कायम ठेवणार असल्याचे म्हटले आहे.
नागपंचमी निमित्त झोके बांधण्यासाठी शहरात आता पूर्वीसारखी भली मोठी झाडे नाहीत. त्यात करमणुकीची साधने वाढल्यामुळे पारंपरिक सण-उत्सवांकडे महिलांचा ओढा कमी झाला आहे.अशा परिस्थितीत अमृत्तराव यांनी कृत्रिम सांगाडे लावून 11 झोके उभारुन साजरी झालेली नागपंचमी महिलांच्या आकर्षणाची केंद्रबिंदू ठरली आहे.
ताज्या बातम्यांसाठी संपर्क करा...
मुख्य संपादक
Only न्युज धाराशिव
उमाजी गायकवाड
9923005236
0 Comments