🧪 57 प्रयोगांचे थेट सादरीकरण; ‘करून शिकणे’ची प्रभावी अनुभूती;एकलव्य विद्या संकुल, यमगरवाडी येथे राष्ट्रीय विज्ञान दिन उत्साहात

काटी/उमाजी गायकवाड 

राष्ट्रीय विज्ञान दिनानिमित्त तुळजापूर तालुक्यातील यमगरवाडी येथील एकलव्य विद्या संकुल, येथे विविध शैक्षणिक व वैज्ञानिक उपक्रमांचे आयोजन उत्साहपूर्ण वातावरणात करण्यात आले. मागील महिनाभर विद्यार्थ्यांनी मनापासून तयारी करून तब्बल 57 प्रयोगांचे सादरीकरण विद्यार्थ्यांसमोरच सादर केले. “प्रयोगांच्या माध्यमातून शिक्षण” ही संकल्पना प्रत्यक्ष कृतीतून प्रभावीपणे साकार झाली.

गेल्या 18 वर्षांपासून सातत्याने राबविण्यात येणारा हा उपक्रम यंदाही विद्यार्थ्यांच्या उत्स्फूर्त सहभागामुळे यशस्वी ठरला. विद्यार्थ्यांमध्ये वैज्ञानिक दृष्टिकोन, आत्मविश्वास आणि सादरीकरण कौशल्य विकसित व्हावे हा कार्यक्रमामागील मुख्य उद्देश असल्याचे आयोजकांनी सांगितले.

विविध स्पर्धांमधून विज्ञानाची उलगड या कार्यक्रमात पुढील स्पर्धांचे आयोजन करण्यात आले :

मॉडेल मेकिंग स्पर्धा,प्रयोग सादरीकरण स्पर्धा,

रांगोळीच्या माध्यमातून वैज्ञानिक आकृत्या सादर करण्याची स्पर्धा या स्पर्धेचे आयोजन करण्यात आले होते.

कार्यक्रमाची सुरुवात भारतरत्न ए. पी. जे. अब्दुल कलाम यांच्या प्रतिमेचे पूजन करून करण्यात आली. संस्थेचे कार्यवाह श्री विवेकजी अयाचित यांच्या हस्ते फीत कापून उद्घाटन झाले.

संस्था कार्यवाह श्री विवेकजी अयाचित, मुख्याध्यापक श्री म्हेत्रे सर व अण्णासाहेब कोल्हटकर यांच्या मार्गदर्शनाखाली विज्ञान शिक्षक श्री डी. पी. भडंगे व श्री ए. एस. घुगे यांनी उपक्रम यशस्वीरीत्या राबविला. कार्यक्रमाचे प्रास्ताविक दयानंद भडंगे यांनी केले. विद्यार्थिनी पार्वती मारकड तसेच अनुज कांबळे, चंचल पवार, गायकवाड यांनी मनोगत व्यक्त केले. विवेक अयाचित यांनी विद्यार्थ्यांना मार्गदर्शन केले.

कार्यक्रमास श्री सोमाणी काका, सोमाणी काकू, अशोक बनकर, जाधव आर. डी., पाटील एम. बी., होणाले के. डब्ल्यू., मगदूम एच. एम., संतोष बनसोडे सर, बालाजी क्षीरसागर, दत्ता भोजने, कोंडिबा देवकर, अण्णासाहेब मगर, हुग्गे मॅडम तसेच सर्व शिक्षक व शिक्षकेत्तर कर्मचारी मोठ्या संख्येने उपस्थित होते.

या उपक्रमामुळे विद्यार्थ्यांमध्ये विज्ञानाविषयी जिज्ञासा, आवड आणि आत्मविश्वास वाढीस लागला असून “करून शिकणे” ही शिक्षण पद्धती अधिक परिणामकारक ठरत असल्याचे यावेळी अधोरेखित करण्यात आले.