तुळजापूर येथे प्रभाग चारमध्ये जनसेवक वाघमारे यांच्या पुढाकारातून जंतूनाशक फवारणी

तुळजापूर:- पावसाळ्यात डेंग्यु, मलेरिया असे विविध प्रकारचे साथ आजार डोके वर काढतात. पावसाळ्यात डासांचा प्रादुर्भाव मोठ्या प्रमाणात वाढतो.त्यामुळे मलेरिया,डेंग्यू सारखे आजार होतात. सामाजिक बांधिलकीच्या जाणिवेतून व डेंग्यूसदृस्य आजारापासून नागरिकांचे आरोग्य सुरक्षित राहावे या उदात्त हेतूने तुळजापूरातील जनसेवक सुदर्शन (भैय्या) वाघमारे यांच्या पुढाकाराने व काँग्रेसचे उप-शहराध्यक्ष किरण यादव यांच्या प्रमुख उपस्थितीत तुळजापूर शहरातील प्रभाग 4 मध्ये पावसाळ्यात अनेक वेळा झाडे, झुडपे,घर परिसरातील उघड्या गटारांमुळे, सुरू असलेल्या बांधकामांच्या ठिकाणच्या खड्ड्यांमुळे डासांचे प्रमाण वाढत असून हे डास परिसरातील रहिवाशांना त्रासदायक ठरतात त्यासाठी ठिकठिकाणी जंतुनाशक फवारणी व तणनाशक फवारणी करण्यात येऊन परिसर व आरोग्यदायी ठेवण्यासाठी प्रयत्न केला आहे.

यावेळी काँग्रेसचे उप शहराध्यक्ष किरण यादव,राजाभाऊ चोपदार, अनमोल साळुंके,नागेश किवडे, अँड. शुभम खोले,सागर मस्के, दत्ता बेंद्रे,संकेत मस्के,आदित्य बुरांडे आदी मान्यवर उपस्थित होते.

आरोग्य, स्वच्छ परिसर व डेंग्यू मुक्त प्रभाग अभियान राबणार

   -जनसेवक सुदर्शन (भैय्या )वाघमारे

नागरिकांचे आरोग्य, स्वच्छ परिसर व डेंग्यू मुक्त प्रभाग अभियान सातत्याने राबविण्यात येणार असून यापुढेही प्रभागातील गल्ली-बोळात जंतुनाशक व तणनाशक फवारणी करुन नागरिकांचे आरोग्य व प्रभाग स्वच्छ ठेवण्यासाठी व नागरिकांच्या सेवेसाठी कटिबद्ध राहणार असल्याची ग्वाही प्रभाग चारमधील निवासी जनसेवक सुदर्शन (भैय्या) वाघमारे यांनी यावेळी दिली.

ताज्या बातम्यांसाठी संपर्क करा...

Only न्युज धाराशिव 

मुख्य संपादक 

उमाजी गायकवाड 

9923005236