🏆 “रोमहर्षक अंतिम सामन्यात टीम तोरणागडचा विजय; माजी विद्यार्थ्यांच्या क्रिकेट स्पर्धेला उत्स्फूर्त प्रतिसाद”

"Only न्युज धाराशिव"वृत्तसेवा

काटी | उमाजी गायकवाड

यमगरवाडी-मंगरुळ येथील एकलव्य विद्या संकुलात दिनांक 21, 22 व 23 मार्च रोजी माजी विद्यार्थ्यांच्या क्रिकेट स्पर्धांचे आयोजन करण्यात आले होते. या स्पर्धेत एकूण 12 संघांनी सहभाग नोंदवला होता.

स्पर्धेतील अंतिम सामना टीम सिंहगड व टीम तोरणागड यांच्यात रंगला. टीम तोरणागडने प्रथम फलंदाजी करत 8 षटकांत 98 धावांचे आव्हान उभे केले. प्रत्युत्तरादाखल सिंहगड संघ 82 धावांपर्यंतच मजल मारू शकला. त्यामुळे 17 धावांनी विजय मिळवत टीम तोरणागडने स्पर्धेचे विजेतेपद पटकावले.

विजयी संघात स्वप्निल हेरुर, ओंकार बनकर, नवनाथ बंडगर, मयूर अंतरेड्डी, विक्रम निंबाळकर, अनुज चव्हाण, कन्हैया व्हानळे, सागर डुकरे, मोहन कोंडरू व नागेश विभुते यांचा समावेश होता. अंतिम सामन्यात स्वप्निल हेरुर याने अवघ्या 16 चेंडूत 54 धावा करत उत्कृष्ट फलंदाजी केली.

स्पर्धेत सागर डुकरे यांना अष्टपैलू खेळाडू म्हणून गौरविण्यात आले, तर नागेश विभुते यांना उत्कृष्ट गोलंदाजाचा किताब मिळाला. मालिकावीर पुरस्कार बालाजी राठोड यांनी पटकावला, तर उत्कृष्ट फलंदाज म्हणून स्वप्निल हेरुर यांचा सन्मान करण्यात आला.

स्पर्धेनंतर बक्षीस वितरण सोहळा पार पडला. भटके विमुक्त विकास प्रतिष्ठानचे कार्यवाह विवेक अयाचित, सदस्य राजाभाऊ गिजरे आणि पुणे येथील महेश गायकवाड यांच्या हस्ते विजयी संघाला ट्रॉफी प्रदान करण्यात आली.

या कार्यक्रमास मुख्याध्यापक विठ्ठल म्हेत्रे, अण्णासाहेब कोल्हटकर, माजी विद्यार्थी विभाग प्रमुख अनिल घुगे यांच्यासह अनेक मान्यवर, शिक्षक, शिक्षकेतर कर्मचारी व माजी विद्यार्थी मोठ्या संख्येने उपस्थित होते. कार्यक्रमात विनायक साळुंखे व बालाजी राठोड यांनी मनोगत व्यक्त केले. सूत्रसंचालन व आभार प्रदर्शन अण्णासाहेब मगर यांनी केले.

स्पर्धा यशस्वी पार पाडण्यासाठी अनिल घुगे, अण्णासाहेब मगर, खंडू काळे, रमाकांत पवार, अशोक राठोड, संगीता पाचंगे, प्रणिता शेटकार, निर्मला हुग्गे आदींनी विशेष परिश्रम घेतले.