धाराशिव व माढा मतदारसंघातून मामा-भाच्चे विजयी; तुळजापूरात काका-मेव्हण्याकडून विजयाचे बॅनर झळकले

तुळजापूर/उमाजी  गायकवाड 

महाराष्ट्रच्या निवडणुकीत अनेक रंजक निकाल दिले आहेत. महा विकास आघाडीतील अनेक मातब्बरांना पराभवाचा सामना करावा लागला. तर या निवडणुकीत महायुतीला अपेक्षेपेक्षा जास्त यश मिळाले.

या निवडणुकीत पितापुत्र,बाप मुलगी,व्याही, मामा-भाच्चे विधानसभेत निवडून गेले आहेत.  

या जोडगोळीमध्ये धाराशिव-कळंब मतदारसंघातून शिवसेना उबाठा पक्षातून कैलास घाडगे-पाटील हे विजयी झाले तर त्यांचेच भाच्चे माढा मतदारसंघातून राष्ट्रवादी शरद पवार गटातून अभिजित (आबा) पाटील विजयी झाले आहेत. या दोन्ही मामा-भाच्च्याचे विजयाचे शुभेच्छापर बॅनर कैलास घाडगे-पाटील यांचे मेव्हणे तर अभिजित पाटील यांचे काका तुळजापूर तालुक्यातील दहीवडी येथील प्रगतिशील शेतकरी व राष्ट्रवादीचे माजी तालुकाध्यक्ष सुरेश (अप्पा) बाळासाहेब पाटील (दहिवडीकर) व मित्र परिवाराच्या वतीने तुळजापूरात "काम दमदार मामा-भाच्चे आमदार"  यांची आमदारपदी निवड झाल्याबद्दल हार्दिक अभिनंदन असे शुभेच्छापर बॅनर लावून अभिनंदन केले आहे. मामा-भाच्याच्या विजयाच्या बॅनरने सर्वांचे लक्ष वेधून घेतले आहे.