काटी येथील येडेश्वरी कन्या प्रशालेत शिवजन्मोत्सवाचा थरार; युद्धकौशल्याच्या सादरीकरणाने विद्यार्थी भारावले!

काटी/उमाजी गायकवाड 

तुळजापूर तालुक्यातील काटी येथील येडेश्वरी कन्या प्रशालेत १९ फेब्रुवारी रोजी छत्रपती शिवाजी महाराज यांची जयंती अत्यंत उत्साहात आणि प्रेरणामयी वातावरणात साजरी करण्यात आली. या सोहळ्यात केवळ व्याख्यानेच नव्हे, तर शिवकालीन युद्धकलेचे मार्गदर्शनही करण्यात आले, जे विद्यार्थ्यांसाठी मुख्य आकर्षण ठरले.

कार्यक्रमाची सुरुवात इयत्ता १० वीच्या विद्यार्थ्यांच्या हस्ते शिवप्रतिमेच्या मंत्रमुग्ध करणाऱ्या पूजनाने झाली.

इतिहास केवळ वाचायचा नसून जगायचा असतो          --डी.आर. कदम

याप्रसंगी इतिहास शिक्षक श्री. डी.आर. कदम यांनी छत्रपती शिवाजी महाराजांच्या जीवनकार्यावर प्रकाश टाकताना सांगितले की, "महाराजांचे स्वराज्य हे केवळ सत्तेसाठी नसून ते रयतेच्या कल्याणासाठी होते. आजच्या पिढीने महाराजांचा इतिहास केवळ पुस्तकात न वाचता, त्यांचे व्यवस्थापन कौशल्य आणि स्त्रीविषयक आदर आपल्या आयुष्यात उतरवणे हीच खरी शिवभक्ती ठरेल." 

गणिमी कावा आणि युद्ध कौशल्य 

गनिमी कावा आणि युद्धकौशल्याचे धडे

सहशिक्षक श्री. गुंगे यांनी शिवरायांच्या युद्धनीतीवर सखोल मार्गदर्शन केले. त्यांनी यावेळी  विद्यार्थ्यांना मार्गदर्शन करताना छत्रपती शिवाजी महाराजांच्या युद्धकौशल्या विषयी  बोलताना  सांगितले की, छत्रपती शिवाजी महाराज यांनी गनिमी काव्याद्वारे  शत्रूची संख्या जास्त असतानाही भौगोलिक परिस्थितीचा वापर करून त्याला कसे नामोहरम करावे हे शिकवले.डोंगरदऱ्यांचा संरक्षणासाठी केलेला प्रभावी वापर.चपळता आणि शिस्त: युद्धात वेगाला किती महत्त्व असते आणि मावळ्यांची शिस्त कशी असायची.शस्त्रास्त्रांचा सराव: लाठी-काठी, तलवारबाजी आणि दांडपट्टा यांसारख्या पारंपरिक युद्धकलांचे महत्त्व या विषयावर सविस्तर मार्गदर्शन केले.

विद्यार्थ्यांचे मनोगत

प्रशालेतील विद्यार्थ्यांनीही अत्यंत ओघवत्या भाषेत आपली मते मांडली. एका विद्यार्थिनीने नमूद केले की, "शिवरायांनी आम्हाला शून्यातून विश्व निर्माण करण्याची जिद्द दिली. त्यांच्या विचारांमुळेच आम्हाला अन्यायाविरुद्ध लढण्याची प्रेरणा मिळते."

सोहळ्याची सांगता

या कार्यक्रमाचे उत्कृष्ट सूत्रसंचालन सहशिक्षक श्री. सुनिल खेंदाड  यांनी केले, तर अध्यक्षीय मनोगत मुख्याध्यापक श्री. किशोर बनसोडे यांनी व्यक्त केले. आभार प्रदर्शन श्री.कदम यु.व्ही. यांनी केले. प्रशालेतील शिक्षकेत्तर कर्मचाऱ्यांनी केलेल्या नेटके नियोजनामुळे हा सोहळा अत्यंत शिस्तबद्ध पद्धतीने पार पडला.