"Only न्युज धाराशिव" वृत्तसेवा
काटी/ उमाजी गायकवाड
तुळजापूर तालुक्यातील काटी येथील ग्रामदैवत श्री हनुमान मंदिर (वेशीतील) येथे श्री संत माणकोजी बोधले महाराज यांच्या कृपाशिर्वादाने अखंड हरिनाम सप्ताह व ग्रंथराज ज्ञानेश्वरी पारायण सोहळ्याचे अतिशय उत्साहात आयोजन करण्यात आले आहे. रामनवमीपासून सुरू झालेला हा सोहळा हनुमान जयंतीपर्यंत (२६ मार्च ते २ एप्रिल) चालणार असून, या निमित्ताने संपूर्ण गाव भक्तिरसात न्हाऊन निघाले आहे.
भरगच्च धार्मिक कार्यक्रमांची रेलचेल
सप्ताहाच्या कालावधीत दररोज पहाटे ४ ते ६ काकडा भजन, सकाळी ७:३० ते १०:३० ज्ञानेश्वरी पारायण, ११:३० ते १:०० गाथा भजन, दुपारी २ ते ४ महिलांचे भजन, ४ ते ५ प्रवचन, सायंकाळी ५:३० ते ६:३० हरिपाठ, रात्री ९ ते ११ कीर्तन आणि रात्री ११ ते पहाटे ४ वाजेपर्यंत हरिजागर असे निरंतर कार्यक्रम पार पडत आहेत.
कीर्तन व प्रवचन सेवा
सप्ताहात दररोज नामवंत महाराज मंडळींची प्रवचन व कीर्तन सेवा होत आहे. यात प्रामुख्याने:
२६ मार्च: ह.भ.प. गणपत महाराज चिवरे (प्रवचन) व ह.भ.प. केशव महाराज गुरव (कीर्तन).
२७ मार्च: ह.भ.प. नागेश महाराज निंबाळकर (प्रवचन) व ह.भ.प. आबा महाराज कुरनलकर (कीर्तन).
२८ मार्च: ह.भ.प. अविनाश महाराज कांबळे (प्रवचन) व ह.भ.प. प्रकाश महाराज वाघचौरे (कीर्तन).
२९ मार्च: ह.भ.प. विजय महाराज फंड (प्रवचन) व ह.भ.प. नवनाथ महाराज चकनेवाडी (कीर्तन).
३० मार्च: ह.भ.प. गजानन महाराज भुमकर (प्रवचन) व ह.भ.प. एकनाथ महाराज पाटील (कीर्तन).
३१ मार्च: ह.भ.प. प्रभाकर महाराज पारधे (प्रवचन) व ह.भ.प. ज्ञानेश्वर महाराज पाटील (कीर्तन).
१ एप्रिल: ह.भ.प. संताजी महाराज भापकर (प्रवचन) व ह.भ.प. कुमार महाराज केमधारनेकर (कीर्तन).
२ एप्रिल रोजी सांगता व महाप्रसाद
सप्ताहाची सांगता गुरुवार, दिनांक २ एप्रिल रोजी सकाळी भव्य 'नगरप्रदक्षिणा' काढून होईल. त्यानंतर पंढरपूर येथील ह.भ.प. भागवत महाराज चवरे यांचे काल्याचे कीर्तन संपन्न होईल. या सोहळ्यासाठी शाम सूर्यभान चव्हाण यांचे विशेष सहकार्य लाभले असून, काल्याची महापंगत सुभाष पांडुरंग गायकवाड व ज्ञानेश्वर पांडुरंग गायकवाड यांच्यातर्फे आयोजित करण्यात आली आहे.
या सुवर्णसंधीचा लाभ घेण्याचे आवाहन जय हनुमान भजनी मंडळ, विठ्ठल भजनी मंडळ, शिव छत्रपती तरुण मंडळ आणि समस्त काटी ग्रामस्थांनी केले आहे.
0 Comments