"Only न्युज धाराशिव" वृत्तसेवा
काटी | उमाजी गायकवाड
तुळजापूर तालुक्यातील काटी गाव मंगळवार दि.१४ एप्रिल रोजी जय भीमच्या घोषणांनी दुमदुमून गेले, कारण भारतरत्न डॉ. बाबासाहेब आंबेडकर यांची १३५ वी जयंती गावकऱ्यांनी प्रचंड उत्साह, अभिमान आणि एकजुटीने साजरी केली. ग्रामपंचायत कार्यालय, भीमनगर तसेच अण्णा भाऊ साठे नगर येथे विविध सामाजिक व प्रेरणादायी कार्यक्रमांचे आयोजन करण्यात आले होते.
कार्यक्रमाची सुरुवात तामलवाडी पोलीस ठाण्याचे सहाय्यक पोलीस उपनिरीक्षक टेकाळे साहेब यांच्या हस्ते डॉ. आंबेडकरांच्या प्रतिमेचे पूजन करून झाली.
यावेळी टेकाळे यांनी आपल्या भाषणातून डॉ. आंबेडकरांच्या विचारांचा जागर केला आणि त्यांच्या कार्याला अभिवादन करत उपस्थितांना प्रेरित केले.
या सोहळ्याला गावातील अनेक मान्यवरांनी हजेरी लावत कार्यक्रमाची शोभा वाढवली. यामध्ये सरपंच सुजित हंगरगेकर, जिल्हा परिषद सदस्य बाळासाहेब भाले, माजी उपसरपंच जुबेर शेख, अशोक जाधव, ग्रामपंचायत सदस्य अमोल गावडे, सयाजीराव देशमुख, अनिल गुंड, राजू ढगे, दलित मित्र नंदू बनसोडे, अतुल सराफ, दत्ता लोंढे, शिवलिंग घाणे, रामेश्वर लाडुळकर, प्रशांत सुरवसे, दशरथ बनसोडे, बाबा बनसोडे, भीमराव घोंगडे, बाळासाहेब जाधव, सिध्दार्थ बनसोडे, सुनील गायकवाड, महेश कांबळे, युसुफ शेख, जितेंद्र बनसोडे, उमेश बनसोडे, भोलेनाथ बनसोडे तसेच अनुसया बनसोडे, सोजरबाई बनसोडे, उमराबाई साबळे, रंजना शेळके, बबन हेडे, विलास सपकाळ, सतीश ढगे, सविता बनसोडे आदींचा समावेश होता.
एकूणच, काटी गावात डॉ. बाबासाहेब आंबेडकर जयंती निमित्त सामाजिक ऐक्य, प्रेरणा आणि अभिमानाचा उत्सव पाहायला मिळाला.
👉 Only न्यूज धाराशिव — आपल्या भागातील अशाच ताज्या, विश्वासार्ह आणि दमदार बातम्यांसाठी आम्हाला सोशल मीडियावर नक्की फॉलो करा!
0 Comments