काटी/उमाजी गायकवाड
तुळजापूर तालुक्यातील काटी येथील महात्मा फुले शारदीय नवरात्र उत्सव समितीच्या अध्यक्षपदी नवनाथ अरुण सुरडकर तर उपाध्यक्षपदी तुकाराम महादेव काळे व अमोल राजाराम वेदपाठक यांची एकमताने निवड करण्यात आली. येथील महात्मा फुले नवरात्र उत्सवासमोरील पटांगणात मंडळातील सर्व सदस्यांच्या उपस्थितीत शुक्रवार दि. 20 रोजी संध्याकाळी 9 वाजता झालेल्या बैठकीत ही निवड करण्यात आली. महात्मा फुले शारदीय नवरात्र उत्सव समितीचे यंदा हे 43 वे वर्ष आहे.
या बैठकीत महात्मा फुले तरुण मंडळ व शारदीय नवरात्र उत्सव समितीच्या माध्यमातून करण्यात येणाऱ्या आराखड्याची माहिती व बैठकीतील विषयावर सविस्तर चर्चा करुन नवरात्र काळात 3 सप्टेंबर रोजी सायंकाळी 6 वाजता मुर्ती व घटस्थापना, 4 सप्टेंबर 11 सप्टेंबर या कालावधीत दररोज पहाटे वाजता पहाटे 5 वाजता व सायंकाळी 6 वाजता महापुजा व आरती, त्यानंतर 7 ते 10:30 वाजता हभप जालिंदर महाराज साळुंके यांच्या मधूर वाणीतून शिव-महापुराण कथा व देवी भागवत महापुराण त्यांनतर अन्नदान होणार आहे. याच बरोबर दररोज विविध धार्मिक कार्यक्रमासह प्रबोधनात्मक कार्यक्रमाचे आयोजन करण्यात आल्याची माहिती मंडळाचे संस्थापक कार्याध्यक्ष निवृत्ती भोजने यांनी दिली.
या निवड समितीच्या बैठकीत विविध पदाधिकाऱ्यांच्या निवडी करण्यात आल्या असून प्रत्येकाकडे शारदीय नवरात्र उत्सवाची जबाबदारी दिली आहे. तसेच नवरात्र उत्सव यशस्वी करण्यासाठी खबरदारी घेण्याचे आवाहन मंडळाच्या वतीने संस्थापक कार्याध्यक्ष निवृत्ती भोजने व उत्सव समितीचे अध्यक्ष नवनाथ सुरडकर यांनी केले आहे.
उर्वरित कार्यकारिणीत खजिनदारपदी तानाजी दत्तु हजारे, सहखजिनदारपदी संतोष काळे, हभप सुनिल महाराज ढगे, बाळासाहेब भाले, मंदीर खजिनदारपदी अशोक हेडे, सहखजिनदारपदी सचिन भोजने,ज्योत व्यवस्थापक श्रीकांत भोजने, विश्वजीत ढगे, बालाजी ढगे, नवनाथ राऊत, लेझीम प्रमुखपदी प्रभाकर चवळे, नवनाथ माळी,नरसु काळे, बालाजी ढगे, काशिनाथ काळे, अक्षय माळी, संदीप ढगे, गणेश चवळे, गोविंद म्हेत्रे,गोविंद ढगे,सोमनाथ शिंदे,गोविंद सुरवसे यांची निवड करण्यात आली आहे.
मंदिर व्यवस्थेसाठी सचिन भोजने,तानाजी हजारे,रामेश्वर लाडुळकर,वसंत हेडे,प्रभाकर चवळे, संतोष काळे,सतीश भाले, संपत राऊत,भैरवनाथ काळे, हनुमान चवळे,सुहास कुलकर्णी,बालाजी ढगे,रामचंद्र ढगे,बबन शिंदे,सादिक तांबोळी धनाजी ढगे यांच्या निवडी करण्यात आल्या आहेत.
यावेळी मंडळातील सदस्य मोठ्या संख्येने उपस्थित होते.
0 Comments