काटी:- तुळजापूर तालुक्यातील काटीचे सुपुत्र तथा धाराशिव येथील सन गृप उद्योग समूहाचे कै. संजय बाजीराव देशमुख यांच्या प्रथम जयंतीनिमित्त सोमवार दि.28 ऑक्टोबर रोजी सकाळी 10 ते 1 या कालावधीत धाराशिव शहरातील सन गृपचे सर्वेसर्वा उद्योजक अमरसिंह बाजीराव देशमुख यांच्या मार्गदर्शनाखाली सन गृप उद्योग समुह परिवाराच्या वतीने येथील शासकीय रुग्णालय ब्लड संकलन केंद्र यांच्या सहकार्याने सन प्लाय, ग्लास ॲन्ड हार्डवेअर बोंबले हनुमान रोड येथे भव्य रक्तदान शिबिराचे आयोजन करण्यात आले आहे.
या रक्तदान शिबिराचे उद्धघाटन मान्यवरांच्या हस्ते होणार असल्याचे सन गृपचे सर्वेसर्वा अमरसिंह देशमुख यांनी सांगितले.
यापुढे कै.संजय बाजीराव देशमुख यांची जयंती ही केवळ एक दिवस साजरी न करता वर्षभर विविध सामाजिक उपक्रम, विविध शिबिरे, विद्यार्थी मार्गदर्शन शिबिरे, व्यवसायिक प्रशिक्षण शिबिरे, स्वच्छता मोहीम, वृक्षारोपण, सांप्रदायिक कार्यक्रमाच्या माध्यमातून समाजोपयोगी कार्यक्रमाने असेल असेही अमरसिंह देशमुख यांनी सांगितले.
या रक्तदान शिबिरात जास्तीत जास्त रक्तदात्यांनी रक्तदान शिबीरात सहभागी व्हावे असे आवाहन सन गृप परिवाराच्या वतीने करण्यात आले आहे.
0 Comments