माजी खासदार शिवाजी बापू कांबळे यांचा मुरुम येथे सत्कार

                      

 मुरुम/प्रतिनिधी

मुरूम येथील बळीराजा मराठवाडा शेतकरी समिती कार्यालयात माजी खासदार शिवाजी बापू कांबळे यांनी सदिच्छा भेट दिली. यावेळी संघटनेचे संरथापक सचिव व कृषी उत्पन्न बाजार समितीचे माजी सभापती उमाकांत मंगरुळे यांच्या हस्ते मंगळवारी (ता. ८) रोजी सत्कार करण्यात आला. 

उमरगा राखीव विधानसभा मतदार संघात ते शिवसेना (उद्धव ठाकरे) गटाकडून उभे राहणार असल्याने लोहारा-उमरगा तालुक्यातील शिवसेनेचे पदाधिकारी, कार्यकर्ते व मान्यवर व्यक्तींना भेटण्यासाठी संपर्क दौरा करीत आहेत. या दरम्यान ते मुरुम येथे बळीराजा मराठवाडा विभागीय संपर्क कार्यालयात भेट देवून तालुक्यातील सामाजिक, राजकीय व शेतकरी समस्येबाबत चर्चा केली. यावेळी सामाजिक कार्यकर्ते नागसेन बनसोडे, रविंद्र बोळशेट्टे, दादासाहेब बिराजदार, पत्रकार राजेंद्र घोडके सह कार्यकर्ते उपस्थित होते.                       

मुरुम, ता. उमरगा येथील बळीराजा मराठवाडा विभागीय संपर्क कार्यालयात उमाकांत मंगरुळे यांच्या हस्ते शिवाजी बापू कांबळे यांचा सत्कार करताना पदाधिकारी व अन्य.