काटी/उमाजी गायकवाड
तुळजापूर तालुक्यातील केमवाडी येथे रविवार दि. 12 रोजी राजमाता जिजाऊ यांच्या जयंतीचे औचित्य साधून येथील बिरुदेव मंदीरात संयोजक ग्रामपंचायत सदस्य बालाजी काळे व ॲड. अनिल काळे मित्र परिवार यांच्या संयुक्त विद्यमाने आयोजित भव्य सर्व रोग निदान व औषधोपचार शिबिरात रुग्णांनी उत्स्फूर्तपणे सहभाग नोंदवत या शिबिरात 204 रुग्णांची मोफत आरोग्य तपासणी करण्यात आली.
हे सर्व रोग निदान शिबिर व मोफत औषध वाटप शिबीर रविवारी सकाळी 8:30 ते 1:30 वाजेपर्यंत घेण्यात आले. या शिबीरात एकदिवसीय शिबिरात 204 रुग्ण सहभागी झाले यातील सर्व रुग्णांना मोफत औषधे वाटप करण्यात आली.
अशा प्रकारचे सर्व रोगावरील मोफत तपासणी व उपचार शिबिर केमवाडी सारख्या ग्रामीण भागात आयोजित झाले असल्यामुळे ह्या शिबीरास रुग्णांनी उत्सफुर्त असा प्रतिसाद दिला.
सदर शिबीरात जास्तीत जास्त रुग्णांची तपासणी व्हावी व उपचार मिळावे याकरीता सेठ गोविंदजी रावजी आयुर्वेदिक महाविद्यालय सलग्न शेठ सखाराम नेमचंद जैन आयुर्वेदिक रुग्णालयातील तज्ज्ञ डॉक्टर व कर्मचाऱ्यांनी परिश्रम घेतले.
कमी कालावधीत जास्तीत जास्त रुग्णांची तपासणी व उपचार करुन शिबीर यशस्वी केल्याबद्दल संयोजक बालाजी काळे व ॲड.अनिल काळे मित्रपरिवारांचे ग्रामस्थांनी अभिनंदन केले.
यावेळी संयोजक बालाजी काळे,श्रीकांत धावणे, बाबासाहेब काशिद,हरिदास काळे,अण्णासाहेब कारंडे, विलास भोरे, प्रशांत काशिद,सोमनाथ सातपुते,प्रशांत फंड,पप्पु नकाते, मधुकर खोत-पाटील,बाळासाहेब जतकर,अमोल फंड,बबलू भालेकर आदीं मान्यवरांसह ग्रामस्थ मोठ्या संख्येने उपस्थित होते.
0 Comments