तुळजापूर/उमाजी गायकवाड
तुळजापूर पासून 18 किलोमीटर अंतरावरील बार्शी तालुक्यातील झरेगाव येथील प्रसिद्ध श्री सदुरू दत्त मंदिरात "जय जय गुरुदेव दत्त" "दिगंबरा दिगंबरा श्रीपाद वल्लभ दिगंबरा"च्या नामाचा जप करत गुरुपौर्णिमेनिमित्त हजारो भाविकांनी दर्शनासाठी हजेरी होती. दत्त भक्तांच्या उपस्थितीने येथील दत्त मंदिर परिसर भक्तीमय वातावरणात न्हावून गेला. येथील दत्त स्थानाची महती झरेगावसह बार्शी,तुळजापूर,वैराग,सोलापूर जिल्ह्यासह पंचक्रोशीत पसरली असल्याने येथील प्रत्येक धार्मिक कार्यक्रमात विविध ठिकाणाहून मोठ्या प्रमाणात दत्तभक्त येथील प्रत्येक कार्यक्रमात दर्शनासाठी आवर्जून उपस्थित राहत आहेत. यंदा बार्शी तालुक्याचे माजी आमदार राजेंद्र राऊत यांनीही या कार्यक्रमास हजेरी लावली होती.
पहाटेपासूनच मंदिर परिसरात फुलांची व रांगोळीची सजावट करण्यात आली होती. तसेच मंदीरावर आकर्षक विद्युत रोषणाई करण्यात आली होती. त्यामुळे येथील वातावरण मोठे भक्तीमय झाले होते.
श्री गुरुवर्य काका महाराज यांच्या उपस्थितीत व मार्गदर्शनाखाली सकाळी पवित्र अभिषेक,दत्त नामजप,दुर्गाष्टक पठण यांसारख्या धार्मिक विधींनी कार्यक्रमाची सुरुवात झाली.दुपारनंतर विविध भजन,कीर्तन,प्रवचन,वाचन यांसारखे कार्यक्रम घेण्यात आले. परिसरात 'जय गुरुदेव दत्त', दिगंबरा दिगंबरा श्रीपाद वल्लभ दिगंबराच्या
जयघोषांनी येथे धार्मिक वातावरण निर्माण झाले होते. गुरुपौर्णिमे दिवशी विविध भागांतून आलेल्या हजारो भक्तांनी दर्शन घेतले. महाराजांनी सर्व भाविकांना आशीर्वाद देत अध्यात्मिक मार्गदर्शन केले. सायंकाळी भव्य महाआरती झाली.या आरतीसाठी व दर्शनासाठी झरेगाव परिसरासह बार्शी तालुका व शेजारील जिल्ह्यांतूनही मोठ्या प्रमाणात भाविक आले होते.मंदिर परिसरात प्रसाद वाटप व महाप्रसादाचे आयोजन करण्यात आले होते. दिवसभर चाललेल्या कार्यक्रमात भक्तांनी उत्स्फूर्त सहभाग घेतला.
शांतता व शिस्तबद्ध पद्धतीने सहभागी भाविकांनी दर्शन घेतले. महिलांसाठी व वृद्धांसाठी वेगळ्या सोयीसुविधांची करण्यात व्यवस्था करण्यात आली होती.
बार्शी तालुक्यातील झरेगावातील श्री सदुरू दत्त मंदिर हे भक्तांचे श्रद्धास्थान असून दरवर्षीप्रमाणे यंदाही गुरुपौर्णिमेच्या निमित्ताने भाविकांचा भक्तीचा महासागर लोटला होता.
ताज्या बातम्यांसाठी संपर्क करा....
Only न्युज धाराशिव
मुख्य संपादक उमाजी गायकवाड
9923005236
0 Comments