काटी:-महाराष्ट्र राज्य माध्यमिक आणि उच्च माध्यमिक शिक्षण मंडळाच्या वतीने फेब्रुवारी- मार्च 2025मध्ये घेण्यात आलेल्या उच्च माध्यमिक प्रमाणपत्र (दहावी) परीक्षेचा निकाल मंगळवार दि. 13/5/2025 रोजी ऑनलाईन पद्धतीने जाहीर करण्यात आला.
तुळजापूर तालुक्यातील काटी येथील मराठा समाज सेवा मंडळ सोलापूर संचलित, येडेश्वरी कन्या प्रशालेने आपल्या उत्तुंग यशाची परंपरा यंदाही कायम राखत प्रशालेचा 100 टक्के निकाल लागला आहे. प्रशालेतील यशस्वी विद्यार्थी, विद्यार्थीनींचे ग्रामस्थामधून कौतुक केले जात आहे.
या प्रशालेतून एकूण 68 विद्यार्थी परिक्षेसाठी बसले होते .यामध्ये प्रथम क्रमांक पांगे श्रेया श्रीकांत 90.80% , द्वितीय क्रमांक ढगे नम्रता बलभीम 89.60.% तृतीय क्रमांक तर कु.गाटे भारती शामराव 88.40% व चतुर्थ कु. फकीर आस्मा नजीर 87% या विद्यार्थ्यांनींनी यश पटकावत प्रशालेची उज्ज्वल यशाची परंपरा कायम राखली आहे. प्रशालेचे 40 विद्यार्थी विशेष प्राविण्यात उत्तीर्ण होऊन विद्यार्थ्यांनी संस्था व येडेश्वरी प्रशालेच्या उज्ज्वल यशाच्या परंपरेत पुन्हा एकदा मानाचा तुरा रोवला आहे.
संस्थेच्या वतीने संस्थेचे अध्यक्ष मनोहर सपाटे, संस्थेचे जनरल सेक्रेटरी महेश माने, संस्थेचे उपाध्यक्ष विनायक पाटील,शालेय शिक्षण समितीचे चेअरमन शिवदास चटके ,प्रशालेचे मुख्याध्यापक किशोर. बनसोडे सहशिक्षक सुनिल खेंदाड, सहशिक्षक दिगंबर कदम, उमाकांत कदम, गणेश गुंगे, तुकाराम गवळी शिक्षकेतर कर्मचारी श्री. घाडगे.पी पी, श्रीमती. चंदनशिवे. एन. एस.यांच्यासह ग्रामस्थांनी प्रशालेची यशस्वी परंपरा कायम राखल्याबद्दल यशस्वी विद्यार्थी, विद्यार्थीनींचे कौतुक व अभिनंदन केले.
प्रथम आलेले 3 विध्यार्थी हे सेमी इंग्रजी या माध्यमातून उत्तीर्ण झाले आहेत.
0 Comments