🌼 एकलव्य विद्या संकुलात संत गाडगेबाबा जयंती उत्साहात साजरी

काटी/उमाजी गायकवाड 

संत गाडगेबाबा यांची जयंती तुळजापूर तालुक्यातील यमगरवाडी येथील एकलव्य विद्या संकुल येथे मोठ्या उत्साहात साजरी करण्यात आली. कार्यक्रमाची सुरुवात संत गाडगेबाबा यांच्या प्रतिमेला पुष्पहार अर्पण करून व पूजनाने करण्यात आली.

यावेळी विद्यार्थ्यांनी संत गाडगेबाबा यांच्या जीवनकार्याविषयी माहिती सादर करत त्यांच्या सामाजिक कार्याचा व स्वच्छतेच्या संदेशाचा गौरव केला. तसेच गाडगेबाबा लिखित ‘गोपाला गोपाला, देवकीनंदन गोपाला’ या गीताचा जागर करण्यात आला.

या कार्यक्रमास अण्णासाहेब कोल्हटकर, अनिल घुगे, नवनाथ बिराजदार, दयानंद भडंगे, अण्णासाहेब मगर, संतोष बनसोडे, हरीश मगदूम, प्रणिता शेटकार, निर्मला हुग्गे, माऊली भुतेकर, बालाजी क्षीरसागर, भीम कुंभार, खंडू काळे, कन्हैया होनाले, माधव पाटील, राजेंद्र जाधव, फुलाजी ताटी कुंडलवार व रमाकांत पवार आदी मान्यवर उपस्थित होते.

कार्यक्रमाचे वातावरण भक्तिमय आणि प्रेरणादायी झाले होते.

आमच्या ताज्या अपडेट्ससाठी पाहत राहा – 'Only न्युज धाराशिव'