तुळजापुरात आधुनिक वकिलीच्या नव्या पर्वाचा शुभारंभ; ॲड. शुभम कापसे यांच्या नूतन कार्यालयाचे दिमाखात उद्घाटन! बार कौन्सिलचे उपाध्यक्ष ॲड. रामचंद्र गरड, ज्येष्ठ विधिज्ञ ॲड. अविनाशराव देशमुख यांच्यासह मान्यवरांची प्रमुख उपस्थिती

तुळजापूर | Only न्यूज धाराशिव वृत्तसेवा

न्यायदान प्रक्रियेत पक्षकारांना गतीमान आणि दर्जेदार कायदेशीर सेवा मिळवून देण्यासाठी वकिलांचे योगदान महत्त्वपूर्ण असते. याच ध्येयाने प्रेरित होऊन तुळजापूर शहरातील नळदुर्ग रोडवरील नवीन न्यायालय इमारतीच्या शेजारी ॲड. शुभम (उदयसिंह) फत्तेसिंह कापसे (B.Sc., LL.B.) यांच्या नूतन आणि अद्ययावत विधी कार्यालयाचा (लॉ ऑफिस) भव्य शुभारंभ आज, मंगळवार दि. १६ जून रोजी अत्यंत उत्साहात आणि दिमाखदार सोहळ्यात संपन्न झाला.

या नूतन कार्यालयाचे उद्घाटन ज्येष्ठ विधिज्ञ ॲड. अविनाशराव नरसिंगराव देशमुख यांच्या शुभहस्ते फित कापून करण्यात आले. याप्रसंगी कायदे क्षेत्रातील दिग्गज आणि सामाजिक क्षेत्रातील मान्यवरांची मांदियाळी उपस्थित होती.

मान्यवरांची मांदियाळी आणि सत्कार सोहळा

या उद्घाटन सोहळ्याला महाराष्ट्र आणि गोवा बार कौन्सिलचे उपाध्यक्ष ॲड. रामचंद्र रंगनाथराव गरड साहेब यांनी विशेष उपस्थिती लावून नूतन कायदेतज्ज्ञ ॲड. शुभम कापसे यांना त्यांच्या भावी उज्ज्वल वाटचालीस शुभेच्छा दिल्या. तसेच श्री स्वामी समर्थ अन्नछत्र मंडळ (अक्कलकोट) चे विश्वस्त चंद्रकांत (भाऊ) भानुदास कापसे यांनी उपस्थित राहून शुभआशीर्वाद दिले.

याप्रसंगी विधी क्षेत्रातील नामांकित कायदेतज्ज्ञ ॲड. अनिकेत अविनाशराव देशमुख, ॲड. विष्णू डोके साहेब, ॲड. वट्टे, ॲड. पारवे, पंचायत समिती सदस्य कृष्णा भैय्या रोचकरी,ॲड. संजय पवार,ॲड.दादासाहेब सोंजी,ॲड.वैजिनाथ नवगिरे, आणि ॲड. शिवाजी बाळासाहेब रोचकरी, प्रा. राजेंद्र घाडगे, पुजारी नगर फाऊंडेशनचे अध्यक्ष गणेश पुजारी, राहुल जाधव, यांच्यासह धाराशिव आणि तुळजापूर परिसरातील अनेक वरिष्ठ व कनिष्ठ विधीज्ञांनी उपस्थित राहून ॲड. कापसे यांना पुढील वाटचालीस शुभेच्छा दिल्या.

अद्ययावत कायदेविषयक सेवांचे केंद्र

नळदुर्ग रोडवरील दिवाणी व फौजदारी न्यायालयाच्या अगदी विस्तीर्ण आणि जवळ असलेल्या या नवीन कार्यालयामुळे पक्षकारांना सर्व प्रकारच्या कायदेशीर सल्ला आणि न्यायालयीन कामकाजासाठी मोठी सोय उपलब्ध झाली आहे. उच्च शिक्षण आणि आधुनिक तंत्रज्ञानाची जोड घेऊन ॲड. शुभम कापसे हे या कार्यालयाच्या माध्यमातून दिवाणी, फौजदारी व इतर कायदेशीर सेवा सर्वसामान्यांपर्यंत पोहोचवणार आहेत.

या उद्घाटन सोहळ्याचे निमंत्रक चंद्रकांत (भाऊ) भानुदास कापसे आणि ॲड. शुभम कापसे यांनी उपस्थित सर्व ज्येष्ठ विधिज्ञ, राजकीय, सामाजिक क्षेत्रातील मान्यवर आणि हितचिंतकांचे मनःपूर्वक आभार मानले. या सोहळ्याला तुळजापूर परिसरातील नागरिक, व्यापारी आणि प्रतिष्ठित नागरिक मोठ्या संख्येने उपस्थित होते.