धाराशिव:- धाराशिव शहरात येथील मावळा प्रतिष्ठानच्या वतीने बुधवार दि.14 रोजी स्वराज्यरक्षक धर्मवीर छत्रपती संभाजी महाराज यांच्या जयंती निमित्त भव्य रक्तदान शिबिराचे आयोजन करण्यात आले होते.
या रक्तदान शिबिरास नागरिकांनी उस्फुर्तपणे सहभाग नोंदवून तब्बल 243 रक्तदात्यांनी रक्तदान केले. त्याबद्दल आयोजकांच्या वतीने रक्तदात्यांचे आभार व्यक्त केले.
प्रारंभी माजी नगराध्यक्ष मकरंदराजे निंबाळकर यांच्या हस्ते स्वराज्यरक्षक धर्मवीर छत्रपती संभाजी महाराज यांच्या पुतळ्याचे पूजन करण्यात आले.
या शिबिरात प्रत्येक रक्तदात्यांना मावळा प्रतिष्ठानच्या वतीने स्पर्धा परीक्षेसाठी लागणारी आवश्यक प्रश्नसंचांची पुस्तके भेट देण्यात आली. तसेच या रक्तदान शिबिरात महिलांचाही उत्स्फूर्त प्रतिसाद मिळाला.
धाराशिव शहरात प्रथमच सर्वोत्कृष्ट व स्तुत्य समाजोपयोगी उपक्रम राबवण्यात आल्याबद्दल मावळा प्रतिष्ठान मधील सदस्यांचे अनेकांनी अभिनंदन करुन सामाजिक कार्यासाठी शुभेच्छा दिल्या.
यावेळी माजी नगराध्यक्ष मकरंद राजेनिंबाळकर, मावळा प्रतिष्ठानचे संस्थापक अक्षय खळदकर,दत्ता मोहिते यांच्यासह मावळा प्रतिष्ठानचे सर्व सदस्य व नागरिक मोठ्या संख्येने उपस्थित होते.
0 Comments