विक्रमसिंह (मालक)देशमुख वाढदिवस विशेष. ... "Only न्युज धाराशिव"ची खास बातमी: जनसामान्यांचे नेतृत्व, विनम्र व्यक्तिमत्व! तुळजापूर पंचायत समितीचे सभापती विक्रमसिंह देशमुख यांचा आज दिमाखदार वाढदिवस

"Only न्युज धाराशिव" वृत्तसेवा

काटी | उमाजी गायकवाड

सामान्य कार्यकर्त्याला ताकद देणारे नेतृत्व, आमदार राणाजगजितसिंह पाटील यांचे खंदे समर्थक आणि तुळजापूर पंचायत समितीचे नवनिर्वाचित सभापती मा. श्री. विक्रमसिंह देशमुख यांचा आज, शनिवार दि. ११ एप्रिल रोजी वाढदिवस आहे. या निमित्ताने संपूर्ण जिल्हाभरातून त्यांच्यावर शुभेच्छांचा वर्षाव होत असून, आज सायंकाळी काटी येथे एका भव्य अभिष्टचिंतन सोहळ्याचे आयोजन करण्यात आले आहे.

राजकारणातील संघर्षातून यशाचे शिखर

काटी गावच्या ग्रामपंचायत सदस्यपदापासून आपल्या राजकीय प्रवासाची सुरुवात करणाऱ्या विक्रमसिंह देशमुख यांनी आपल्या कार्यतत्परतेने आज सभापती पदापर्यंत मजल मारली आहे. त्यांनी आतापर्यंत:

काटी गावचे सरपंच म्हणून गावचा विकास साधला.

जिल्हा परिषद सदस्य म्हणून ग्रामीण प्रश्नांना वाचा फोडली.

काटी विविध कार्यकारी सेवा सहकारी सोसायटीचे चेअरमन म्हणून सहकार क्षेत्रात आपला ठसा उमटवला.

भाजप जिल्हा उपाध्यक्ष म्हणून संघटनात्मक पातळीवर पक्षाची धुरा समर्थपणे सांभाळली.

निष्ठा आणि कष्टाचे फळ

अनेक वर्षांपासून राजकारणात सक्रिय असूनही त्यांनी कधी पदाची लालसा धरली नाही. आमदार राणाजगजितसिंह पाटील यांच्याशी असलेली त्यांची निष्ठा आणि भाजप वाढीसाठी त्यांनी केलेले प्रयत्न पाहून ६ मार्च रोजी त्यांना सभापती पदाची संधी देण्यात आली. एका ग्रामीण भागातील सामान्य कार्यकर्त्याला मिळालेल्या या संधीमुळे भाजपच्या गोटात मोठा उत्साह आहे.

अष्टपैलू नेतृत्व: विनम्र आणि निगर्वी

विक्रमसिंह देशमुख यांची ओळख केवळ एक राजकारणी म्हणून नाही, तर एक 'लोकनेता' म्हणून आहे. अत्यंत विनम्र स्वभाव, निगर्वी वृत्ती आणि सर्वांना सोबत घेऊन चालण्याचे कौशल्य ही त्यांची जमेची बाजू आहे. सुख-दुःखात धावून जाणारे व्यक्तिमत्व म्हणून संपूर्ण धाराशिव जिल्ह्यात ते परिचित आहेत.

आज सायंकाळी भव्य सोहळा

वाढदिवसाचे औचित्य साधून आज सायंकाळी ७ वाजता काटी येथे आमदार राणाजगजितसिंह पाटील व भाजपच्या दिग्गज पदाधिकाऱ्यांच्या प्रमुख उपस्थितीत विशेष सोहळ्याचे आयोजन करण्यात आले आहे.

यावेळी नवनिर्वाचित नगराध्यक्ष, नगरसेवक, जिल्हा परिषद व पंचायत समितीचे पदाधिकारी यांचा नागरी सत्कार करण्यात येणार आहे. याच सोहळ्यात सभापती विक्रमसिंह देशमुख यांचा अभिष्टचिंतन सोहळा पार पडणार असून जिल्ह्याच्या कानाकोपऱ्यातून मान्यवर उपस्थित राहणार आहेत.