""Only न्युज धाराशिव" वृत्तसेवा
१. आशा भोसले यांचे ९२ व्या वर्षी निधन
मुंबईत प्रसिद्ध गायिका आशा भोसले यांचे आज निधन झाले. त्यांच्या दैवी आवाजाने भारतीय संगीत जगाला अनेक अमर गाणी दिली. मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि राज ठाकरे यांनी भावुक श्रद्धांजली वाहिली. संपूर्ण देशात शोक व्यक्त होत आहे.
२. इराण-अमेरिका युद्धविराम ठरला, पण तणाव कायम
अमेरिकेचे राष्ट्राध्यक्ष डोनाल्ड ट्रम्प यांच्या धमकीनंतर इराणसोबत दोन आठवड्यांचा युद्धविराम झाला. हॉर्मुझ सामुद्रधुनी तात्पुरती खुली झाली. तरीही इस्रायलकडून लेबनॉनमध्ये हल्ले सुरूच आहेत. जागतिक तेल पुरवठ्यावर परिणाम होण्याची शक्यता.
३. महाराष्ट्रात राजकीय घडामोडींना वेग
बारामती व राहुरी उपनिवडणुकीत काँग्रेसने उमेदवारी मागे घेतली. महायुती आणि महाविकास आघाडीमध्ये जोरदार चर्चा. अशोक खरात प्रकरणात ईडीची चौकशी सुरू, त्यांची पोलिस कोठडी आज संपणार.
४. धाराशिव जिल्ह्यात घरगुती गॅस सिलिंडर उपलब्ध
जिल्ह्यात सध्या ४,३५५ घरगुती गॅस सिलिंडर शिल्लक आहेत. पेट्रोल आणि डिझेल स्टॉक देखील पुरेसा. मात्र काही भागात ब्लॅक मार्केटिंगच्या तक्रारी येत आहेत.
५. धाराशिवमध्ये शिवसेना एकीकरणावर एकनाथ शिंदे यांचे आवाहन
शिवसेनेतील गटबाजी दूर करून एकसंघ व्हा, असे उपमुख्यमंत्री एकनाथ शिंदे यांनी म्हटले. धाराशिव दौऱ्यात त्यांनी पक्षप्रवेश आणि विविध कार्यक्रमांना हजेरी लावली.
६.बाळासाहेबांच्या विचारांचीच ही खरी शिवसेना!
उपस्थितांना संबोधित करताना उपमुख्यमंत्री एकनाथ शिंदे म्हणाले की, "ही शिवसेना वंदनीय हिंदुहृदयसम्राट बाळासाहेब ठाकरे आणि धर्मवीर आनंद दिघे साहेबांच्या विचारांची शिवसेना आहे. संकटकाळात जनतेच्या पाठीशी उभी राहणारी ही संघटना असून, आम्ही सत्तेसाठी नव्हे तर जनसेवेसाठी मैदानात आहोत."धाराशिव येथे संपन्न झालेल्या दैनिक 'पुण्य नगरी' आणि जिल्हा मराठी पत्रकार संघाच्या भव्य पुरस्कार वितरण सोहळ्यावेळी त्यांनी शेतकरी कल्याण, मराठवाड्याचा पाणीप्रश्न आणि विरोधकांच्या टीकेचा खरपूस समाचार घेतला.
७. अवकाळी पावसाने शेतकऱ्यांना फटका
महाराष्ट्रातील काही भागांत अवकाळी पावसामुळे पिकांचे नुकसान. धाराशिवसह १६ जिल्ह्यांना हवामान विभागाचा अलर्ट. पुढील ४८ तास धोक्याचे असल्याचे सांगण्यात आले.
८. धाराशिवमध्ये AI तंत्रज्ञानाने सोयाबीन उत्पादन वाढ
जिल्ह्यातील एका प्रयोगात AI च्या मदतीने सोयाबीन उत्पादनात २४ टक्क्यांनी वाढ झाली. अतिवृष्टी असूनही शेतकऱ्यांना चांगले उत्पन्न मिळाले. राज्यातील पहिला यशस्वी प्रयोग.
९. भारताने चीनच्या नकाशाला विरोध
चीनने भारताच्या भागांना नवीन नावे दिल्याचा प्रयत्न केला. भारताने तो फेटाळला आणि भौगोलिक अखंडता अटळ असल्याचे सांगितले.
१०. IPL २०२६: गुजरात टायटन्सचा दुसरा विजय
जॉस बटलर आणि शुभमन गिल यांच्या फलंदाजीने गुजरातने लखनौ सुपर जायंट्सला पराभूत केले. मुंबई इंडियन्सला मात्र सलग तिसरा पराभव.
११.विरोधकांच्या 'पोटदुखी'वर औषध माझ्याकडे!
विरोधकांकडून होणाऱ्या टीकेला उत्तर देताना धाराशिव जिल्ह्याच्या दौऱ्या दरम्यान मिश्किलपणे उपमुख्यमंत्री एकनाथ शिंदे म्हणाले, "मी जे काही करतो त्यावर विरोधकांना पोटदुखी सुटते. मी गावात गेलो तरी त्यांना पोटदुखी होते आणि दिल्लीत गेलो तरी! पण त्यांच्या या पोटदुखीवर माझ्याकडे जालीम उपाय आहे. यावेळी त्यांनी गेल्या अडीच वर्षांत घेतलेल्या ५६७ महत्त्वाच्या निर्णयांचा पाढाच वाचला.
'ऑन द स्पॉट' ५ कोटींचा निधी जाहीर
कार्यक्रमात करण्यात आलेल्या नगरपरिषदेच्या नाट्यगृहासाठी दुरुस्ती व नूतनीकरणाच्या मागणीचा विचार करून उपमुख्यमंत्री महोदयांनी तत्काळ ५ कोटी रुपयांच्या निधीची तरतूद जाहीर केली. "मी जे बोलतो ते करून दाखवतो, कारणे सांगत बसत नाही," अशा शब्दात त्यांनी आपला बाणा स्पष्ट केला. तुळजाभवानी मंदिराच्या विकासासाठी १८६५ कोटींच्या आराखड्याला मान्यता दिल्याचे धाराशिव येथे संपन्न झालेल्या दैनिक 'पुण्य नगरी' आणि जिल्हा मराठी पत्रकार संघाच्या भव्य पुरस्कार वितरण सोहळ्यावेळी त्यांनी यावेळी आवर्जून सांगितले.
१२. महिलांसाठी आरक्षण २०२९ पर्यंत लागू करा
पंतप्रधान नरेंद्र मोदी यांनी लोकसभा व विधानसभा निवडणुकीत महिलांसाठी आरक्षण लागू करण्याचे आवाहन केले. सर्व पक्षांनी एकत्र यावे असे पत्र लिहिले.
१३. धाराशिवमध्ये फळ बाजारात मागणी वाढ
उमरगा बाजारात चैत्र-वैशाखाच्या उष्णतेमुळे कलिंगड, खरबूज आणि माठ यांना चांगली मागणी. शेतकऱ्यांना चांगला भाव मिळत आहे.
१४. नाशिक भोंदू अशोक खरात प्रकरणात नवी चौकशी
ईडीने अशोक खरात यांच्या मालमत्तेची सखोल तपासणी सुरू केली. भोंदूगिरी प्रकरणात मोठे खुलासे होण्याची शक्यता.
१५. 🏆 🚩 धाराशिवचा डंका आता थेट मुंबईत! औद्योगिक सुरक्षेत 'बालाजी अमाईन्स' राज्यात अव्वल; कामगार मंत्र्यांच्या हस्ते सन्मान!
🏆 औद्योगिक सुरक्षा क्षेत्रात 'बालाजी अमाईन्स'चे यश; नारायण मेघाजी लोखंडे पुरस्काराने सन्मानित!
धाराशिव जिल्ह्यातील औद्योगिक क्षेत्राचे नाव पुन्हा एकदा राज्यस्तरावर गाजले आहे. तुळजापूर तालुक्यातील तामलवाडी येथून जागतिक झेप घेणाऱ्या 'बालाजी अमाईन्स लिमिटेड' कंपनीला महाराष्ट्र शासनाचा अत्यंत प्रतिष्ठेचा 'नारायण मेघाजी लोखंडे औद्योगिक सुरक्षा व आरोग्य पुरस्कार २०२६' देऊन गौरविण्यात आले आहे.
सौजन्य:- या सर्व बातम्या वर्तमानपत्र टिव्ही चॅनल्स स्रोतांद्वारे संकलित केल्या आहेत.
संकलन:-उमाजी गायकवाड, मुख्य संपादक "Only न्युज धाराशिव" वृत्तसेवा
0 Comments